Skip to main content

පස් මහ බැලුම් බලා ඉපදුනා කියා සිතන මිනිස්සු

අපි දන්නවා, වෙනත් රටවල වගේම, ලංකාවෙත් හුඟක් දෙනෙක්, මේක තමන්ගේ රට, මේක තමන්ගේ ජාතිය, තමන්ගේ ආගම කියල ආඩම්බර වෙනවා, වාද විවාද කරනවා, රණ්ඩු වෙනවා, යුද්දත් කරනවා. එකනේ ඔය සිංහලේ කියල ස්ටිකර් අලවාගෙන ඉන්නේ. හැබැයි මට මේක ගැන පොඩි ප්‍රශ්නයක් තියෙනවා. අපි පොඩිකාලෙ ඉස්කෝලෙදියි, දහම් පාසැලේදීයි අහල තියෙනව, බෝධිසත්වයෝ, සිද්ධාර්ථ කුමාරයා විදිහට උපදින්න ඉස්සෙල්ල, පස්මහ බැලුම් බැලුව කියල. ඒකියන්නේ, කාලය, දේශය, ද්වීපය, කුලය සහ මව කියන දේවල් තෝරාගෙන තමයි ඉපදුනේ කියල. ඉතින් සිද්දාර්ථ කුමාරයට නම් පුළුවන් මේක තනම්ගේ දේශය, තමන්ගේ කුලය කියල අනික් අය එක්ක රණ්ඩු සරුවල් කරන්න. හැබැයි, මේ අපි වගේ පෘතග්ජනයන් නම් ඔය පස්මහ බැලුම් බලල උපදිනවා කියල මම නම් අහල නෑ. මම නම් ලංකාවේ සිංහල පවුලක උපදින්න කියල තෝරාගත්තේ නෑ. ජාතිය කියන එක මට අහම්බෙන් ලැබුන. ජාතිය කියන එක කාටවත් තෝරාගන්න බෑ. ඒක කාටත් නිකන්, එහෙම නැත්නම් අහඹු විදියට ලැබෙනවා. ආගම කියන එක නම් අපිට වෙනස් කරගන්න පුළුවන්. හැබැයි මට මුණගැහුණු අයගෙන් සියයට අනුනවයකටත් වඩා ආගම කියල අදහන්නේ තමන්ගේ දෙමවුපියන්ගේ ආගම. එකියන්නේ, ආගමත් අර ජාතිය වගේ අපි කාටත් නිකන්, අහඹු විදිහට ලැබුන දෙයක්. හැබැයි, අපි හුඟ දෙනෙක්, මේ අපිට අහඹු විදිහට ලැබුණු ජාතියයි ආගමයි බදාගෙන, ඒක මත්තේ නහිනවා. ලංකාවේ විතරක් නෙවෙයි, ඔය අනික් රටවලත් ජාතිවාදීන් කරන්නේ ඔය දේ තමයි.

ඔය අතරට රට කියන එකත් සෙට් වෙනවා. හැබැයි අපි කවුරුවත්, අපි ඉපදුන රට තෝරාගෙන ඉපදුනේ නෑ. හැබැයි අපි ජිවත්වෙන්නේ මොන රටේද කියන එක අපිට තෝරාගන්න පුළුවන්. එක නිසා තමයි සමහරු බෝට්ටු වලින් හරි පැනල යන්නේ වෙන රටවලට. සමහරු වෙනරටවලට ගිහින්, ලංකාවේ හිටියට වඩා හොඳ ජිවිත ගතකරනවා. හොඳ රස්සාවල් කරනවා. ඒ රටේ පුරවැසිකමත් ගන්නවා. හැබැයි, ඒ තමන් ජිවත් වන රටත් එක්ක ලංකාව ක්‍රිකට් මැච් එකක් ගැහුවොත්, ලංකාවේ කොඩිය අරගෙන, මැච් එක බලනගමන් ලංකාවට චියර් කරනවා. ඒ කියන්නේ, තමන් තෝරගත්ත දේට පිටුපාල, තමන්ට නිකන් ලැබුනදේට සපෝට් කරනවා. උදාහරණයක් විදියට මේ වීඩියෝ එකේ තියෙන්නේ ලංකාවේ ඉපදිලා ඕස්ට්‍රේලියාවේ ජීවත්වෙන්න තීරණය කරපු පිරිසක්, ලංකාව සහ ඔස්ට්‍රේලියාව අතර තිබුන ක්‍රිකට් මැච් එකක් බලල ගෙදර යනගමන් විනොදවන ආකාරය.


මේකේ කිසි වරදක් නෑ. හැබැයි මට මේකේ ලොජික් එක පිලිඹඳ ප්‍රශ්නයක් තියෙනවා. වරදක් නෙවෙයි ප්‍රශ්නයක්. මේ අය ලංකාව අතැරලා ඕස්ට්‍රේලියාවේ ජීවත්වෙන්න තීරණය කරපු අය. හැබැයි, මේ අය ඇඳන් ඉන්න ඕස්ට්‍රේලියාවේ ක්‍රිකට් ටීම් එකේ පාට නෙවෙයි. ලංකාවේ ටීම් එකේ පාට. සපෝට් කරන්නේ ඕස්ට්‍රේලියාවේ ටීම් එකට නෙවෙයි. ලංකාවේ ටීම් එකට. තමන්ගේ තේරීමට පිටුපාල, ජන්මෙට චියර් කරනවා.

මම හිතන්නේ, මේ තමන්ට නිකන් ලැබුන රට, ජාතිය, ආගම බදාගෙන, (සමහරවිට තමන්ම තෝරගත්තු රටටත් පිටුපාල) ඒක මත්තේ නහින්නේ, මිනිස්සු දියණු වෙන්න කලින්, එකියන්නේ, සතුන් වශයෙන් කණ්ඩායමක් විදිහට හිටපු කාලේ, තමන්ගේ ආරක්ෂාවට, තමන්ගේ කණ්ඩායමට ඇතිකරගත්තු ලැදියාව, හෙවත් ලොයලිටි එක නිසා කියල. පසුකලෙක ගෝත්‍රික සමාජයේ, තමන්ගේ ගෝත්‍රයට ප්‍රශ්නකිරීමෙන් තොර පක්ෂපතිවෙන්න මිනිස්සු පුරුදු වෙන්න ඇති. ඒක තමන්ගේ පැවැත්මට, ආරක්ෂාවට වෙන්න පුළුවන්. මේ නිසා තමයි, දැනුත් ඔය නැෂනලිසම් කියල දෙයක් තියෙන්නේ. ලංකාවේ හෙළ උරුමය වගේ දේශපාලන කණ්ඩායම් කෙරන්නෙතේ ඒක. එල්ටීටීඊ එක කරෙත් ඒ දේ තමයි. අර අවුරුදු පහක ළමයෙක් ඇතුළු නිරායුද දෙමල මිනිස්සු හත් අටදෙනෙක් බෙල්ල කපල මරපු, උසාවියෙන් වරදකරු කරපු, සුනිල් රත්නායක කියන සෙබල වීරයෙක් කියල ෆේස්බුක් එකේ පොස්ට් දාන්නෙත් ඔය දේ නිසයි කියලයි මට හිතෙන්නේ. කොටින්ම කියනවනම්, මිනිස්සු වැඩි දෙනෙක්, සියලුම ලොජික් පැත්තක දාල, තමන්ට නිකන් ලැබුණු රට, ජාතිය, ආගම කියන තුන්කට්ටුවේ පැත්ත ගන්න පෙළඹෙනවා. ඒ කියන්නේ තමන්ගේ දියුණු මනසෙන් ප්‍රයෝජන ගන්නේ නැතුව, තමන්ගේ අතීතයෙන් එන සත්ව ගතිය ප්‍රදර්ශනය කරනවා. මම අහල තියනවා පරස්පර විරෝදී කියමන් දෙකක්. සමහරු කියනවා "ජන්මෙට වඩා පුරුද්ද ලොකුයි" කියල. වෙනත් අය කියනවා "පුරුද්දට වඩා ජන්මේ ලොකුයි" කියල. මට දැන් හිතෙනවා "සමහරුන්ට චින්තනේට වඩා ජන්මේ ලොකුයි" කියල. මොනවා වුනත්ස, ත්ව ගතිය අතහරින්න බැරිවීම මමනම් හිතන්නේ මහුෂ්‍ය සංහතියේම දියුණුවට බාදාවක්.

ප.ලි. ඔය සත්ව ගතියට බුද්දාගම හුඟක් වෙලාවට ගාවගන්නව. සිංහල බෞද්ධ කියන යුගල පදේ පාවිච්චිකරන්නේ එකනේ. ඒක ගැන පස්සේ සාකච්චා කරමු.

Comments

  1. තමන් ගිය ඉස්කෝලෙ, තමන්ගෙ ජාතිය, ආගම, රට උසස්ම කියන එක තර්කානුකූල නෑ අනිත් ඒවා අත්විඳල නැත්නම්. එකක් විතරක් දැනගෙන කොහොමද සංසන්දනය කරන්නෙ. තමන් ඒවා තෝරාගෙනත් නැත්නම්.

    ඕක, ලංකාවෙ එක කොටසකට අදාල නෑ. දේශපාලකයින්ට. ලංකාව වෙනරටවලට සාපේක්ෂව දේශපාලකයින්ට ඉතා ඉහලින් සලකනවා , බලය ධනය හා ඔපචුනිටීස් ආදී හැම පැත්තෙන්ම. වගකීම් වගවීම් ආදියත් ඉතා අඩුයි. අනිත් ජනතාවට එහෙම විශේෂ හොඳක් මේ රටෙන් ලැබෙන්නේ නෑ. ඉතින් දේශපාලකයින් මේරට හා සංස්කෘතිය හොඳම තමයි කියනකොට ඒක පිලිගන්න පුලුවන්

    ReplyDelete

Post a Comment

Total Pageviews

Popular posts from this blog

මොණරු, කොක්කු සහ විශ්වාස භංගෙ

පහුගිය සුමානේ මම ගෙදර එනකොට අපේ ගේ ඉස්සරක එක ජල්බරියයි. අල්ලපු ගෙදර විල්සන් අංකල්, උඩහ පාරේ ලසන්තයි, තව කොල්ලෝ දෙතුන් දෙනෙකුත් එක්ක පැටලෙනවා. "යකෝ, පැරදුනා නෙවෙයි යකෝ, මුන් ඔක්කොම මොණර කොළ වලට විකිණුනා" කියල ඔන්න විල්සන් අන්කල් කෑගහනවා. මොකක්ද මේ වෙන්නේ කියල හිතාගන්න බැරුව මම බලාගෙන ඉන්නවා දැකපු පහලගෙදර ලොක්කයිය මගේ පිටට තට්ටුවක් දාල අහපි, "මොකෝ මල්ලි ෆුල් හොල්මනයිස් වෙලා වගේ" කියල.
"මොකද ලොක්කයියෙ, ආයිත් සැරයක් මැච් ෆික්සිං කේස් එකක් වත්ද මේ විල්සන් අන්කල් ෆෝම් වෙලා තියෙන්නෙ? මොනාද අයියෙ මේ මොණර කොල වගයක් ගැන කි‍යන්නෙ?"
"නෑ නෑ බන්, මැච් එකක් නෙවෙයි, අර විස්සාසබන්ගෙ, විස්සාසබන්ගෙ. මේ විල්සන් අංකල්ල කියනවනෙ රනිල් මහත්තය ඒක ගොඩ දාගත්තෙ මන්ත්‍රීලට සල්ලි දීල කියල. දැන් සල්ලි කොලවලට කියන අලුත්ම වචනෙ තමයි මොණර කොල."
"හා හා, වෙන්නත් බැරි නෑ නේද අයියෙ, මොකෝ ඔය දියවන්නාවෙ ඔක්කොම සිද්ද වෙන්නෙ එහෙමනෙ. අර එක කාලයක් කස්ටියම දෑත් ශක්තිමත් කරන්න කියල ගියේ."
"අන්න උඹට තේරුනා. හැබැයි, මෙදා පාර ඕක ටිකක කොම්ප්ලිකේටඩ්. සාමාන්‍යයෙන්, ඔය මොණර කොල වලට …

මීලඟ රාජපාක්ශික අපේක්ශක ගෝටාභය නොවනේ ඇයි

කාලෙක ඉඳලම 2020 ජනාධිපති වරනෙට ගෝටා ඉදිරිපත්වන බවට නොයෙක් දෙනා කියනව ඇහුන. මෙජර් අජිත් ප්‍රසන්න කියන කෙනාත් මේ බව නොකියා කියනව යූටියුබ් එකේ තියෙනව. උඩහපාරෙ ලසන්තය ඔරොප්පු කරහම අල්ලපුගෙදර විල්සන් අංකලුත් කියන්නෙ, "ආ බලාගෙන හිටපං, ලබනසැරේ ගෝටාභය මහත්තය ජනාධිපති වුනහම උඹලට හැංගෙන්න බිත්තර කට්ටක් හොයාගන්න වෙයි" කියල. ඔය බිත්තර කටුවල හැංගෙන කතාව මට තවම තේරෙන්නෙ නෑ. හැබැයි ඔය කතාව අහපු ගමන් ලසන්තය සරෙන්ඩර් වෙලා දිරාමාර්වෙනව. මම ඉස්සෙල්ල හිතුවෙ ඌ බිත්තර වලට ඇලජික් කියල. හැබැයි දැන් මට හිතෙන්නෙ ඌ කොච්චර පොර ටෝක්ස් දුන්නත් ගෝටට ගූ බයයි. දැන් විල්සන් අංකලුත්, බේරෙන්න බැරිම තැන ගෝට තුරුම්පුව ගහල තමයි ලසන්තයව දමනය කරන්නෙ. දවසක් මම පහලගෙදර ලොක්කයිය එක්ක කතාවක් දාගෙන ඉන්නවෙලාවෙ ලසන්තයත් කඩාවාත්වුනා. මමත් ඉතින් කින්ඩියට "ඕං ලසා, ගෝට සුදු වෑන් එකක නැගල උඩහට ගියා. ඒකෙ පිටිපස්සෙ ගෝට විස්සයි විස්ස ඩොට් කොම් කියල ගහල තිබුන" කියල කිවුව. ලසාගෙ ඇඹරිච්ච මූන දැකපු ලොක්කයිය "උඹ බය නොවී හිටහං, විස්සයි විස්සෙ ගෝට නෙවෙයි" කියල කිවුව. මේ කතාවෙන් මම විතරක් නෙවෙයි ලසන්තයත් ෆුල් හොල්මනිය…