මීලඟ රාජපාක්ශික අපේක්ශක ගෝටාභය නොවනේ ඇයි

කාලෙක ඉඳලම 2020 ජනාධිපති වරනෙට ගෝටා ඉදිරිපත්වන බවට නොයෙක් දෙනා කියනව ඇහුන. මෙජර් අජිත් ප්‍රසන්න කියන කෙනාත් මේ බව නොකියා කියනව යූටියුබ් එකේ තියෙනව. උඩහපාරෙ ලසන්තය ඔරොප්පු කරහම අල්ලපුගෙදර විල්සන් අංකලුත් කියන්නෙ, "ආ බලාගෙන හිටපං, ලබනසැරේ ගෝටාභය මහත්තය ජනාධිපති වුනහම උඹලට හැංගෙන්න බිත්තර කට්ටක් හොයාගන්න වෙයි" කියල. ඔය බිත්තර කටුවල හැංගෙන කතාව මට තවම තේරෙන්නෙ නෑ. හැබැයි ඔය කතාව අහපු ගමන් ලසන්තය සරෙන්ඩර් වෙලා දිරාමාර්වෙනව. මම ඉස්සෙල්ල හිතුවෙ ඌ බිත්තර වලට ඇලජික් කියල. හැබැයි දැන් මට හිතෙන්නෙ ඌ කොච්චර පොර ටෝක්ස් දුන්නත් ගෝටට ගූ බයයි. දැන් විල්සන් අංකලුත්, බේරෙන්න බැරිම තැන ගෝට තුරුම්පුව ගහල තමයි ලසන්තයව දමනය කරන්නෙ. දවසක් මම පහලගෙදර ලොක්කයිය එක්ක කතාවක් දාගෙන ඉන්නවෙලාවෙ ලසන්තයත් කඩාවාත්වුනා. මමත් ඉතින් කින්ඩියට "ඕං ලසා, ගෝට සුදු වෑන් එකක නැගල උඩහට ගියා. ඒකෙ පිටිපස්සෙ ගෝට විස්සයි විස්ස ඩොට් කොම් කියල ගහල තිබුන" කියල කිවුව. ලසාගෙ ඇඹරිච්ච මූන දැකපු ලොක්කයිය "උඹ බය නොවී හිටහං, විස්සයි විස්සෙ ගෝට නෙවෙයි" කියල කිවුව. මේ කතාවෙන් මම විතරක් නෙවෙයි ලසන්තයත් ෆුල් හොල්මනියිස් වුනා. "මොකෑ අයියෙ ඒ කතාවෙ තේරුම" කියල ලසන්තය ඇහුවෙ පොඩි කෝචෝක් හිනාවකුත් දාල. "මහින්ද ලොක්කට ආයි ඉල්ලන්න බෑනෙ. ඉතින් ගෝට නොඉල්ලන්නෙ, යහ පාලනේ එයාව බෝඩිමටවත් යවන්න ප්ලෑන් කරනවද?" මේක අහපු ලොක්කයිය කට ඇදකරල "යහපාලනේ මොන මලඉලවුවක් කරන්න යනවද කියල මම දන්නෙන් නෑ. උන් ඔක්කොම බෝඩිමට යවනවනම් යවන්න තිබුනෙ ගොඩාක් ඉස්සර. මම කිවුවෙ ඒක නෙවෙයි. මගේ තියරිය නම් ගෝටට රාජපක්ශෙන් ජනාධිපතිවරනෙට නොමිනේශන් දෙනව කියන්නෙ මහින්ද ලොක්ක තමන්ගෙ පුත්‍ර රත්නය ජනාධිපති කරවන අදහස අතාරින්න ඕනෙ. ඒ කියන්නෙ ගෝට ජනාධිපති වුනොත් එයාගෙන් පස්සෙ ආයි නාමල් බේබිට ඔය බිබික්කම, ඒ කියන්න ජනාධිපති ධූරය ලබාදෙනව බොරු. ගෝට පුලුවන්තරම් කල් බිබික්කම රසවිඳල, ධූර කාල හත අටක්, ඒක ඊට පස්සෙ එයාගෙ ළමයෙකුට දෙන්න ට්‍රයිකරයි. ඕක මහින්ද ලොක්ක හොඳට දන්නව. මොකෝ එයාගෙ මලයනෙ. ඒ විතරක් නෙවෙයි, එයා දන්නව එයාගෙ මලය එයාටත් වඩා දරුණු ආඥාදායකයෙක් කියල. තමන්ගෙ මලය බිබික්කම ගත්තොත් විරුද්ද වාදීන්ට අබ කොහොමවෙතත්, සුදුවෑන් සරණ බව එයා දන්නව. හුඟක් ඒකාදිපතියො, ඒ කියන්නෙ ස්ටාලින්, හිට්ලර්, සදාම් හුසේන් වගේ අය ඉස්සෙල්ලම ගේම දෙන්න තමන්ට කෙලවයි කියල හිතන තමන්ගෙ ලඟින්ම ඉන්න සෙට් එකට. ඉතින් මලය ඉස්සෙල්ලම සුදු වෑන් වලින් වඩම්මල කලුකුඩුබස්නෙ දෙන්නෙ බේබිල තුන්දෙනාට කියල ලොක්කට තේරෙනව. අන්න ඒකයි මම කියන්නෙ මිහින්තුමා කාටදුන්නත් මලයටනම් බිබික්කම ගන්න දෙන්නෙ නෑ කියල."

ඔන්න ඔහොමයි අපේ ලොක්කයිය විස්සයි විස්සෙ ප්‍රෙඩික්ශන් එක දුන්නෙ. මටත් හිතෙනව ඒක හරි කියල. මොකෝ මොන තාත්තද තමන්ගෙ ළමයි අකාලයේ යටියන්තොට යවන්න කැමති, නැද්ද මං අහන්නෙ?